الفترة الجاية هيبقى نشر بلا كلل او ملل إن الإخوان يشيلوا كل حاجه قذره حصلت لمصر من اول 25يناير 2011 لما بعد ٢٥ يناير وان مبارك ظُلم وماكنش ليه اي ذنب في اي شئ حصل للمحروسه في عهده
احنا بس اللي ذاكرتنا ضعيفه وبننسي بسرعه
من بعد ماكانوا رفقاء الميدان وهم اللي دافعوا عنا في موقعه الجمل فبقوا السببب في موت الناس كلها (ودا من بق اللي كانوا بيدافعوا عنهم)
وبدأها فريد الديب اهو في ان مبارك رجل شريف ونقي وقد ظُلم ظلم بيّنْ و يده غير ملوثه باي قطره دم سالت علي ارض هذا الوطن وهو غير مسؤول عنها وان رجال الشرطه الشرفاء كانوا بيدفعوا عن المواطنين ضد الاخوان اللي كانوا بيقتلوا فيهم وانه استحاله انه يدافع عن مرسي لو طلب منه ذلك لانه رجل مجرم ويده ملوثه بدماء المصريين من هذا الشعب النقي الذي استردت ثورته اليه اخيرا .. للتذكير الديب كان بيقول ان ٢٥يناير مش ثوره ولا يحزنون وبعديها تظهر سوزان هانم مبارك علي السي ان ان
بتقول ان الظلم الذى وقع علينا قد انتهى وعادت الثورة ..
وقبليها عوده عبدالمجيد محمود ولسه المفاجاءات جايه في الطريق كعاده مصر في ابهارنا
هم اكيد الاخوان مش ملايكه طبعا وليهم اخطائهم وانهم تفكيرهم السياسي ضحل للغايه بدليل انهم ماعرفوش ان كدا كدا هيتعمل عليهم كماشه ويطردوا بره الحكم بمساعده الشعب اللي فاض بيه غبائهم السياسي مع مباركه عسكريه ماهو بالعقل كدا الجيش ماقبلش جمال يحكم مصر وباركوا خرووج مبارك اللي منهم هايسيبوها للاخوان استحاله سابوهم يتسلوا علي قوله مبارك وانتهزوا الفرصه بس اللي انا متاكده منه باردوا ان رجال نظام مبارك استحاله بكل ما تحمل استحاله من ثوابت انهم يكونوا الحمل الوديع الطاير ابو جناحات اللي يحملون الخير لمصر وانهم اتغيروا اللي فيه طبع بيفضل فيه يا حسين والله ....
وبالنسبه للناس اللي في رابعه الناس هناك هناك محطمة فعلا نفسيا. و خايفين. وعندهم يقين ثابت انهم كده كده حيتجابوا من بيوتهم ويتحبسوا زي ايام عبدالناصر وهيتعمل فيهم زي ما رجاله عبدالناصر عملوا فيهم ونظام مبارك فعندهم الموت في رابعه اكرم واهون فربنا مايورهالكم وللاسف فيه تعتيم اعلامي شنيع عنهم كانهم مش من الشعب دا نحي قيادتهم لانهم اغبياء ولله الحمد وفكر فيه هو كانسان ولا هو ارهابي ولا هو خاين انا فيه ناس صحابي معتصمين هناك والله ما ارهابيه ولا نيله ومحترمين اه والله ..
زي مافيه ناس عندي نزلت التحرير ومش فلول ولا نيله ومحترمين باردوا هم بيدافعوا عن حاجه من وجهه نظرهم انها حق فاحترمه جنابك زي ما انت كان ليك وجهه نظر عايزها تحترم ضده معاه بقي مش مشكلتناه المهم انك تبطل تقول عليه ارهابي وبلا بلا بلا ومش كل فيديو يتشير يبقي هم دوول زي مافيه منهم ناس كانت بتشير كلام فارغ عن اي حد عالماني من وجهه نظرهم وهوكان كمان عار عن الصحه وللاسف مافيش مسؤول واحد عدل في البلد دي من المؤسسه العسكريه بما انها هي المؤسسه الامره الناهيه في الوقت الحالي يرووح يطمنهم وياكدلهم انهم مش هيحصلهم حاجه وان مش هيتم اقصائهم من المجتمع وارهابهم واعتقالهم من الاخر يعني لهم الله فعلا
وبالنسبه لقفل القنوات هي بتشجع علي العنف ماشي انا معاكم وعلي الطائفيه باردوا ماشي بس لو كانت اتقفلت بطريقه قانونيه وسند قانوني هي وكل اللي علي شاكلتها من الناحيتين مش اخد قناه واسيب قناه مش عافيه وبسلاح ...
ربنا فعلا يهدينا لبعض ويرزقنا رؤيه الحق ويجنبنا اتباع الباطل....
