وبعدين (٢)

يعني الناس قاعده ومعتصمه هناك ومش هيمشوا الا لما يتلغي الاعلان الدستوري ايين كنت انتم معاهم او ضدهم
يقوم المؤيدين للاعلان الدستوري يروحوا هناك !!!
ويقولك قال هنحرص علي سلميه المليونيه
طب ازاي افهمها
انا ازاي دي اذا كان امبارح كان في حرب اهليه في المحله بين الاخوان والغير اخوان ومصابين بالهبل مابلكم بقي التحرير..o_O

خلصت ميادين مصر لما حبكت تايد الاعلان من التحرير ودلوقتي يطلعلي حد يقول الميدان مش مقتصر علي حد
ماشي يا عم المقتصر مش علي حد بس حقنا للدماء
كما أمرنا ربنا

مش التصريح بتاع نادر بكار دا يعتبر تحريض علي حرب اهليه الله يخربيت كدا فعلا مش مستوعباكم ما هو اللي معتصم في الميدان هينادي اللي مش معتصم وهتبقي مسخره بالعقل كدا احنا اساسا شعب بيتلكك علي الخناق وجر الشكل واللا دي كمان تهيؤات وتهويلات واهيه لا اساس لها من الصحه ..o_O

وبعدين (١)

اهو جه اليوم اهو اتحولنا من تخوين اللي في ميدان في عصرمبارك لتخوين اللي في الميدان في عهد مرسي
ومن السخريه انك كل ما تكلم مؤيد للاعلان الدستوري اللي مرسي حصن فيها قرارته وجعلها غير قابله للطعن تلاقي حد فيهم لما تقول انك معترض كمواطن غير متقبل للديكتاتوريه باي شكل من اشكالها وحتي لو كانت ربع دقيقه من عمرك مش مؤقته فقط انك بكدا بتحارب الشريعه ومش عاوزتطبيق شرع الله..!!!
فين شرع الله في البيان الدستوري الاخير دا مش واخده بالي صراحه ... ما اعمق العبث الكلامي في حياتنا
وباللهجه الدارجه اي كلام والسلام يا سيد والله وحافظ مش فاهم جناب سعادتك
اللي بيقول ان اللي في التحرير دوول فلول واذناب
النظام السابق ومؤيدين شفيق وولاد مبارك وولاد البرادعي وبلا بلا بلا
النسبه اللي صوتت لشفيق هي ٤٩٪
يعني احنا عندنا٤٩ ٪ من شعب مصر فلول واذناب النظام السابق طب ما جنابكم اعلنوا عليهم الحرب بقي وابيدوهم ما تنسوش وسيبوا بس علي ارض مصر الاخوان والسلفيين ومؤيدينهم فقط لا غير اللي لو نزلوا هيبقوا مليونيات مش مليون وكدا يعني مدام كل ما اكلم حد يصنفلي الموضوع بالطريقه الغريبه دي .....طيب وللتذكير النسبه اللي اخدها مرسي هي ٥١ ٪ منهم اصوات استحاله كانت تديله صوتها لما تتطربق السما علي الارض واديتهالوا فقط لوجود شفيق عِنْد في شفيق يعني من الاخر ودا كان شئ واضح ومعلون ماشي مش حباً وغراما لمرسي ماتعيشوش الحلم دا كتير لان مش مستوعباكوا صراحه وماعنديش نيه لاستيعابكم لو كانت الاصوات دي وانا منهم كانت اديت لشفيق والله تلاته مرسي ما كان شاف ربع كرسي الرئاسه ولا كان مر من قدام الاتحاديه فربنا أمر ان يكون حظه كدا فقط لا غير فياريت يا حبذا تفوقوا من الوهم اللي انتم عايشين فيه لان كل واحد بيتكلم علي اساس ان دا مش واقع كانت مصر عايشاه واحنا عايشينه وياماشاء الله مرسي واخد تاييد كل الشعب واللي نازل يعارضوا بقوا فجاه كلهم فلول وحثاله
كلنا مصريين مسيحين اخوان علمانيين سلفيين كفار حتي كفايه شتيمه في كل فصيل مش عاجب جنابك او مابتنتميش ليه وعايزين البلد تقوم وتقف علي رجليها ازاي وانتم مابتعملوش حاجه غير شتيمه وتخوين وتحقير واهانه واستفزاز ومعايره بعض بس ومصر بقت صفين صف هنا وصف هناك وواقفين لبعض بطريقه مقرفه فعلا
عيب عيب بجد
استقيموا يرحمكم الله

جمهوريه الاهمال العربيه ترحب بكم

لو حد لا قدر الله جاله ابنه بالمنظر دا
هيسقف ساعتها لوزير النقل والسيد بتاع السكه الحديد انهم استقالوا...!!!!!!
اه والله عملوا اللي عليهم
ثواني دا غير الاشلاء اللي اتلمت في اكياس عشان عربيه الاسعاف المجيده اللي بتتميز بيها المحروسه مش مجهزه
وغير الامهات اللي ماعرفوش يتعرفوا علي جثث ولادهم الا من بنطلون ملبساه لابنها او شريطه رابطه بيها شعر بنتها علي روايات الامهات الثكالي
تخيل ابنك او بنتك جايلك في كيس متجمع منه حته من هنا وحته من هنا
حسبي الله ونعم الوكيل
وتتطلع ناس شاربه كوووله مغشوشه كدا واللا حاجه تقعد تكَبَرْ وراء مرسي بعد الاقاله عشان عمل عمل فريد من نوعه ما حصلش قبل كدا في العصر البائد
ويطلع واحد تافه يقولك هو احنا كنا فين وبقينا فين
مصر بتتطور يا رجاله
انتم فاكرين نفسكم عايشين في دوله لا سمح الله واللا حاجه بيديرها بني ادمين كدا زي اي دوله محترمه
احنا عايشين في صفيحه زباله ماليانه حثالات البشر ومبررات تافهه تدل علي فشلنا فكريا وبس وكل واحد واخدله حزب معين عمال يدافع عنه باستماته وبلا موضوعيه حقيقه
يعني تخيلوا لما الاهالي تتطوع وتقوم بنفسها عشان تشيل اشلاء الاطفال من علي قضبان القطر عشان مافيش اساسا معدات تشيل الجثث وعربيات الاسعاف مش مجهزه عشان احنا بلد ضايعه وشعبنا واطفالنا رخاص
الله يلعن ابو دي بلد في الارض اخر همها الانسان
علي عدم الاحساس والعشوائيه والغواغائيه اللي احنا فيها
ويتطلعلك واحد مش فاهمه منين ......... يقولك معلش عزائنا لاهالي الضحايا ودا قضاء وقدر

و واحد اخر من المسؤلين يقولك عذراً انه حادث عارض
والمحترم محافظ اسيوط بيتكلم عن الاعداد اللي ماتت وبيملي المراسل اسماء اللي ماتوا بقمه البرود واللا مبالاه ...!!!!


الله لا يكتبها علي حد ابدا لا اراكم الله مكروه في عزيز

مش بقولكم الاحساس بالناس نعمه ربنا بينعم بيها علي اللي راضي عنه من عباده
اللهم انزل علي ذويهم الصبر الجميل واربط علي قلوب امهاتهم كما ربط علي قلب ام سيدنا موسي واجعلهم يارب ياخذون بايادي اهاليهم الي الجنه



للتذكير :
النائب العام عبد المجيد محمود يأمر بالتحقيق مع وزير النقل المستقيل ومنعه من السفر

أمر المستشار الدكتور عبدالمجيد محمود النائب العام اليوم باستدعاء الدكتور محمد رشاد المتيني وزير النقل المستقيل، وكذا إخطار رئيس هيئة السكك الحديدية السابق والحالي، ونواب رئيس هيئة السكك الحديدية المختصين، وذلك للتحقيق معهم مساء اليوم بمكتب النائب العام.

كما تضمن قرار النائب العام منعهم جميعا من مغادرة البلاد ووضعهم على قوائم الممنوعين من السفر خارج البلاد لحين انتهاء التحقيقات في حادث قطار منفلوط بمحافظة أسيوط الذي وقع صباح اليوم.

وقال المستشار عادل السعيد النائب العام المساعد والمتحدث الرسمي للنيابة العامة إن النائب العام أمر بتوسيع دائرة التحقيقات في حادث قطار منفلوط الذي راح ضحيته عدد كبير من الأطفال من طلبة المدارس، وذلك للوصول إلى كافة صور المسئولية في هيئة السكك الحديدية التي أدت بصورة مباشرة وغير مباشرة إلى وقوع الحادث وعدم قصر المسئولية الجنائية على عامل المزلقان وحده.

كما تواصل نيابة أسيوط استكمال ما تقوم به من تحقيقات في موقع الحادث.

وتستمر غزه كما وعيت عليها

عاهد صلاح الدين الايوبي نفسه ان لا يبتسم حتي يحرر الاقصي
فبماذا عاهدنا انفسنا للاقصي وفلسطين....!!!!!

عاهدناها وافتينا واقتنعنا ان الفلسطينيين خونه وباعوا ارضهم ويستاهلوا اللي بيحصلوهم وهنفضل ننقلها من جيل لجيل عشان نبرئ ذممنا اننا مش مذنبين في حقهم ...o_O

واقصي ما يمكن اننا نعمله علي راي عمنا جلال عامر ان
الجميع يعامل «غزة» وكأنها «عشة فراخ» على السطوح ..
يطلع يحط لها الأكل ويعالج الجريح ويرمى الميت وينضف تحتها وينزل

ويستمر تخلفنا اللا حدود له

امريكا

اوباما : نحن أغنى دوله على الأرض ولكنها ليست أموالنا هي سبب ثراءنا
نحن أقوى دوله على وجه الأرض و لكنها ليست قواتنا المسلحه هي سبب قوتنا
نحن لدينا جامعات يقصدها راغبو العلم من أنحاء دول العالم و يغبطنا عليها العالم لكنها ليست سبب مجيء المهاجرين
الينا إن سبب ثراءنا و قوتنا و رغبة الكثير من شتى بقاع الأرض في الإنضمام إلى مجتمعنا هو وحدتنا و تنوع طوائف مجتمعنا في ظل ثقه عميقه و إيمان أعمق بالحريه و المساواه و تكافؤ فرص النجاح لمن يرغب في العمل الجاد و الإجتهاد فلا يكون هناك تفرقه بين ابيض او أسود
رجل او امرأه غني او فقير اسيوي او مكسيكي عجوز او شاب سليم او مقعده تلك هي قوتنا و ثراءنا حفظ الله الشعب الأمريكي و حفظ تلك الولايات متحده دائماً

وبعد كلمتين اوباما دوول افتكرت مقوله
ابن تيمية "إن الله يقيم الدولة العادلة وإن كانت كافرة ولا يقيم الدولة الظالمة وإن كانت مسلمة " نقطه

وزير التنميه لحكومه ما بعد الثوره في عهد مرسي .. شي بديع

هي ها هو لما دا وزير لحكومه ما بعد الثوره بيتكلم كدا فرق ايه بقي عن اللي سبقوه علي الاقل اللي سبقوه كان عندهم اتيكيت الحوار الوهمي الابتسامي ..:)
لما جناب حضرت معالي الوزير اللواء ماستحملش سؤال اصيغ بادب اتسأله واتنرفز وقفل التليفون هل يا تري مثلا يعني مثلا ممكن يستحمل مواطن غلبان جاي يشتيكيله من شئ ما مضايقه في قضيه ما ومكفر عيشته وعيشه اللي خالفوه في موضوع ما باي اسلوب ايين كان ما ...!!!!
الشئ دا اللي هو الوزير يعني لو كان وزير في اوروبا والدول الكافره وعمل ربع اللي عمله وزيرنا المصري اللوائي كان زمان حكومه بحالها اقيلت بعد ١٠ دقايق من قفل التليفون في وش المذيعه..:)

مصر الجاديده جاديدا حقاً بوزارئها ...
ميرسي جناب اللواء الوزيري براحه علي نفسك شويه مصر محتاجاك يا عابدين ..:)

http://www.youtube.com/watch?v=SaI1OW5GumM&feature=youtube_gdata_player
http://www.youtube.com/watch?v=SaI1OW5GumM&feature=youtube_gdata_player
www.youtube.com

غلق المحلات قال راي سديد قال

الناس اللي عماله تهلل علي غلق المحلات و دا رأي سديد وعظمه علي عظمه يا ريس ولولي لووولي والزحمه هتخف وشوفوا اوروبا كلها بتغلق محالتها وحاجاتها بدري وشعوبها يتنزل بدري شغلها وبيتفسحوا فقط في الويك اند وخلافه من كم مهاترات ومن زاويه اي كلام والسلام
الا يا سيد منك له هو دخل الفرد الاوروبي زي دخل الفرد المصري
والمصري اللي انا اقصده هو المصري اللي بياخد ٥٠٠ جنيه وبيقف علي عربيه الفول الصبح مش المصري الكوكي اللي بيشرب امريكان كوفي الصبح من ستار بوكس وبيلبس من دبنهامز ..:)
والاضحك من كدا انه اساسا مافيش خطه واضحه وبديل للناس اللي اعتمادها الاكبر علي فتره بالليل مش قرار اهبل يتاخد وخلاص ويتهلله ويتقالوا خالينا زي اوروبا
كك اوروبا في معاميع نفوخك

حسوا بالناس بقي دا انتم شلل ماشي علي رجلين..